Páxina web que pode ser editada por múltiples voluntarios de xeito doado, tendo todos capacidade para engadir, modificar ou eliminar texto, imaxes e demais elementos. O termo provén do Hawaiano e significa “facer as cousas de xeito sinxelo e rápido”.

Chámase así ao protocolo de seguridade e cifrado da información mediante criptografía. Na Internet os datos móvense por paquetes, facendo o Secure Sockets Layer que estes non poidan ser lidos ou modificados por persoas alleas ao usuario e o propietario da páxina onde está.

Na súa orixe, Internet estaba baseada en opcións distintas á web, sendo o correo electrónico moito máis importante do que é agora. Os usuarios interesados nun tema, asociábanse a un grupo de noticias e recibían información sobre o mesmo. Hoxe faise algo similar ben mediante subscricións a boletíns, ben a través de RSS.