...hai HOAX que levan máis de dez anos circulando e hai xente que aínda coida que son certos?
Os HOAX son correos electrónicos masivos con información
falsa, mais que garda certo grao de verosimilitude, é dicir, que
semella que podería ser certa. Algún deles, como “o
que di que Hotmail vai pechar se non hai un número determinado
de usuarios que reenvíen o mesmo correo en cuestión de
minutos”, levan circulando pola Internet dende vai dez anos, e
sempre hai alguén que o cre e os reenvía a todos os seus
contactos.
O obxectivo do HOAX, polo xeral, é recompilar direccións
de correo electrónico para facer envíos masivos de SPAM,
aproveitando que o reenvío que se fai ten as contas dos usuarios
en copia aberta, isto é, visibles para calquera. É a nosa
obriga como persoas responsables non dar creto a este tipo de mensaxes
e cortar a cadea, evitando mandarllos ás persoas da nosa axenda.